والله انك اغلى انسان بحيااااتي ..

ودي أحكي عن شعوري له وأقوله
وإنه أول من عرفته في حيـاتي

كيف أبوصف له وأنا منه خجوله
خايفه ظلمه وتكذيبه ....وأحـاتي

في حياتي صار له دور البطولة
وكان أجمل حلم عاش بذكريـاتي

قبل أعرفه عايشه طفوله
ولاهي تعنيني سواليـف البناتــي

ومن عرفته صرت أنا أشتاق وأوله
امتلك روحي وتفكـيري وذاتـــي

والغريبه ...صوّب القلب بســــهوله
وهو محصّن في دروع وحامياتــي

قلبي اللي انتفض من شاف زوله
وكل أحاسيسي صحت بعد السباتي

وإلا غيره... مـايدلّه ولايطولــه
ولاحشى ماطاع شيطـان وعصاتي

لاني بسهلة... ولانفسي عجوله
مبدإي راسـخ.... ويحكمني ثباتي

والكرامة راس مالي والسيوله
والوفا والصدق هــم أبرز صفاتي

بنت قوم وبنت عز ومن حمولة
مارخيت الطــرف ولاطاحت عباتي

هو لخبط في الوضع عرضه وطوله
وأمنيات الأمـس ماعاد أمنياتــــي

ياحروف الشعر جودوا واكتبوله
لايضيع العمر من ظلــمه فواتـــي

وأسألوه إن كان يطريني ويوله
وبلغوه بحالـي وهمـي وسكاتــي

ربما ماصابني منه.. يــهوله
وعلــها تبين بعيــنه تضحياتــي

لاذكرته.. والمسا أعلن حلوله
انحدر دمــع العيـون الباكياتــي

لو توارى نجمه وأعلن فلوله
علموه إن ذيك هي ساعة وفاتي

لو يدوّر من بعيد ومنهو حوله
مايلاقي من يسـوي له سواتــي

صاحبي بالله صدّق هالمقوله:
"والله إنك أغلى إنسان بحياتي

تسلم اخوي عذب على المرور الراااائع

نورت الصفحه وانشالله ربي لايحرمني من ردوك